Наьсарен Iаьдало гучабоахаргба къайлагIа болх бу эзараш
Наьсаре аргIанара рейдаш дIайихьар республикан прокурора заместитела Воробьев Темура, Наьсарен прокурора Чербажанаькъан ИбрахIима, бокъонаш лораяра органаша, шахьара администраце, Центральни куран экономически отделаша дакъа лоацаш, яхаш, дийцар «Сердало» газетага шахьара администраце зарбан болх лелабераша.
«Викалаш бахар, «Сийна гIишло» аьнна, наха цIи йоккхача мах бара гIишлон чу. Укх чу дукха ба къайлагIа болх бераш, йоал яккхара йолча моттигашка гIолла боацаш лелабу цар шоай болх», - йоах хоамо.
«Цу тайпарча «Iаьржача», къайлагIа лелабеча балхаца лостам лелабе халагIа да, керттердар цIаккха ховш хургдац, таро йоацарий е болх беш боацарий хьал ма дарра довзаргдац.
Укхаза оаха, къайлагIа лелабеш бола болх гучабаккхара из болх дIахьу, шин-кхаь доал деча даькъ тIа. ХIанз мара тха болх лерттIа дIа а болабеннабац, цу тIехьа совца лаьрхIа а дац», - аьлар шахьара кулгалхочо.
Белгалду, Наьсарен-Шахьара дерригача мах беш долча цIеношка, йоккхача гIишлошка из болх дIахьоргхилар.
