Шолжерча Ӏаьдало тӀахьожам лоаттабу юкъарча кхачанна
20.06.2025 14:02
Шолжа-Шахьара Ӏаьдало тӀахьожам лоаттабу юкъарча кхачанна. Планах йоаца рейдаш дӀайолайир тахан Ӏуйрийна, яхаш, дийцар «Сердало» газетага мэре.
«Из болх дӀабихьар тайп-тайпарча моттигашка болх беш бола бахархой латкъарах. Цу тайпара, экономикан, финансай отдела говзанчаша, йоал яккхара йолча моттиго, Роспотребнадзора хьал а лоацаш, цхьацца йолча моттигашка бахар. Кертера терко тӀаозаш хиннар дар йоал йоаккхача дӀаязъяь моттигаш цахилар, дика хьалаш хилийтара, санитарни боарам лорабара йолча бокъонашта нийсса, цу юкъе къайлагӀа болх лелабар а долаш дар», - аьлар хоамо.
Рейдаш дӀаяхьар вӀашагӀделлараша гучадаьхар кхоачамбоацараш, уж юстардахара боагӀаш болча викалаша болх бергба.
