Наькъаш цӀендеш леларий балхах, дийцар бахархошка
ЦӀаьхха, диллача доккхача лайх наькъаш цӀендеш, ша ца хилийта гӀерташ, цу даькъ тӀарча болхлой къахьегамах дийцар машинашца леларашка. Из хоам «Сердало» газетага бир цигарча болхлоша.
«Аттабарех бац наькъашта тӀахьожам лоаттаберий болх. Эггара хьалхарча юхьанца кхерамегӀа лоархӀаш йола моттигаш я цар гӀум тоссаш, ша ца байташ, лораераш. Беррига болх, цкъа дӀатӀаэтта, дӀабахьа йиш йолаш хилац. Керттера моттигаш лайх мукъаяьхе, тӀаккха дӀахора наькъаш цӀенду цар. Ше-ший аргӀагӀа дӀабахьа безаш болх ба наькъаш цӀендеш бар», - йоах цу гӀулакхах бехктокхамебараша.
Из болх ца бовзача бахархошта дезаш хул, еррига моттигаш цхьаттара цӀенъяр, бакъда къаьстта из къахьегам ший бокъонаш, аргӀа йолаш ба.
Бахархошка кхайкарал ду, иштта хаоттам латтача хана, машинаш шортагӀа лехка, наькъашка лелара бокъонаш лорае, Ӏан замалахьа лелаеш йола чархаш дӀаоттае, яхаш.
