Даьла духьа гӀо деш лелача лораша цӀий дӀачутелара тӀахьех
07.02.2025 12:07
ЦӀий, тӀехка тӀум дӀачутелара тӀахьех вай мехкара кагирхой Даьла духьа гӀо деш лелача лораша. Из хоам «Сердалога» бир «Хьалхарчар болам» яхача моттигера.
«Ишколашка, колледжашка кхетаченаш дӀакхухьаш ба уж тахан. Лектораша Баркинхой Луизас, Озанаькъан Маликас кхувш латтарашта хьалхадоах цӀий, тӀехка тӀум дӀачутелар мел лоархӀаме гӀулакх да», - дийцар тха газетага.
ГӀо деш леларашта хьалхашка латта декхар да, Даьла духьа из хӀама хьаллоацаш дӀабахар тахан лакха мах болаш хӀама долга дӀахайтар.
