Волонтёраша гӏо ду Магӏалбика бахархошта, тоаде деза доазонаш харжа
Магӏалбика бахархоша дика дакъа лоац хьамсара шахьар кердаяккхара, цар хорж сурт-проект, «Вахара хьалаш» яхача къаман проекта чудоагӏаш, хьатӏадоагӏача шера доазув тоадара. Укх наькъа, шахьара бахархоша хоржаргья йиъ сурт-проект, могаеш йолча бархӏнех.
Цига дика новкъостал ду магӏалбика бахархошта волонтёраша. Къонача хьинар дараша дийцар проектех, кхадж тассара бокъонех, иштта цар новкъостал ду технически болх дӏабахьа.
«Магӏалбика бахархой кийча ба кхадж тасса. Нах цхьайолча хана эхь хеташ хул шоай хоамаш дӏаяздеш, бакъда оаха царна хьалхадоаккх, кхадж тоссаш масса саг хиннав хара из эшаш долга. Тахан тхоай шахьара 40 сага кхадж тасса новкъостал дир аз», - аьлар «Сердало» газетага Гӏазданаькъан Руслана.
Кхадж тоссаргба, аьтинга бетта 12-ча денга кхаччалца. Хӏара вахархо таро йолаш ва юкъара доазув харжа. Шоай шахьара хургдар къоастаде таро я лаьрххӏача zagorodsreda.gosuslugӏ.ru сайта тӏа, шийна хозагӏа хийтта сурт-проект хьа а хержа.
