Правительства кулгалхочунца Сластенин Владимираца дIадихьача вIашагIкхетаре «ИнгушВодоканала» ГУП а кулгалхочо Латыранаькъан Исроапало дийцар хица Iалашо яра дола хьал карарча хана мишта латт аьнна хоам бу «Сердало» газетага моттигерча министрий кабинето.

Республика пункташка наха хий дIахецара хьал цо яхачох 80 эзар куб метр я. ГУПа балансе ялх водозабор я, мел болча низах къахьегаш. ДIадала дезача боарамал 1,5 дукхагIа хий дIахец.

Латыранаькъан Исроапала яхачох хий ца хилар бахьан гидравлика бехках хул, цига керда даха дезаш балхаш да.

Карарча хана тIехьар тIа 30% насосаш а йолаш скважинаш IотIакхийттай. Из доацаш предприяте лаьрхIад Шолжерча, Аьлтий-юртарча водозаборашка центробежни насосаш овттае, цу гIулакха лаьрхIа ахча хьожадаьдар ГIалгIай Республика кулгалхочо, иштта эшача хий дIахьош йола машенаш а кийчъяьй.

Цу хьаькъехьа дола дукха хаттараш кхоачашданза а диссад, хIана аьлча дукха хий дIахецаш йола моттигаш тишъенний, цудухьа наха хих хьалуш дола ахча а кIезигагIа хул, цунга хьежжа латт наха хица Iалашо яр хаттар", — аьнна белгалдир цо.

"ИнгушрегионВодоканал"ГУПа кулгалхочун декхараш кхоачашдеш волчо белгалдир хих налог яккхара болх ладара латтилга. Цул совгIа бахача наха ахкан замах хий бешамашка детташ хилар хьоахадир цо, ковнаш дуллаш, кхыйола моттигаш цIенъеш дукха хий доадеш моттигаш а нийслу аьлар цо дIахо. Цудухьа уж мо дола кхоачамбоацараш юкъерадахара лаьрхIа йола рейдаш ю оаха хина счетчикашка хьожаш.

Премьер-министра Сластенин Владимира тIахьийхар даьчу тIа ца а совцаш дIахо хица этта хьал аттача даккхара бола болх республике гIолла дIахьо аьнна.