Гӏалгӏайчен «Кванториуме» ӏомалураш, дроний чемпионате котбаьлар
Республикан «Кванториума» берий технопарке ӏомалураша дика толам баьккхар «Хургдолчун пилоташ - 2026» яхача чемпионате. Из котало яккхар бахьан долаш, цар таро хилар чӏоагӏагӏа йолча федеральни яхьашка дакъа лоацаш хила.
«Сердало» газетага ма аллара, республикан хьалхален дакъа дӏахьош да Магасе, цига вӏашагӏкхийтар 100 гаргга начӏал дола доакъашхой. Къонача пилоташа гойтар, чу саг воацаш гӏаттар долча гӏирсех шоаш дика кхеташ хилар, цар кхоачашдир чоалхане технически декхараш компьютерашца, иштта цар яхьаш дӏайихьар бокъонца гӏетташ дола гӏирсаш леладара даькъ тӏа шоаш малагӏа кийчо яьй хьагойташ.
Гӏалгӏайчен «Кванториуме» ӏомалураша хьалхара моттиг яьккхар. Поаланкой Ӏаддал-Малика хьалхара моттиг елар, дото совгӏат даьккхар Йовлой Билала, царна тӏехьа воагӏа Разаков Руслан.
Хӏанз царна хьалхашка латта декхар да «Хургдолчун пилоташ» яхача ерригроссийски финале республика дика гойтар, из Москве дӏахьош, лайчилла бетта 17-ча денгара 22-ча денга кхаччалца, мехка къона инженераш гуллургба.
Чемпионата кхоачашду довзийтара керттера декхар, цо новкъостал ду дешархошта хьалхале лелаю технологеш йовза, сихъенна йодача, саг чувоаца гӏирсаш леладара авиаце заман керттердар малагӏа да къоастаде.
