Алапешцара хьал тоаделар, «Ингуштранспорте» хувцамаш хинначул тӏехьагӏа
Гӏалгӏай Республикан транспорта урхаллен балха даькъ тӏа хувцамаш хинначул тӏехьагӏа, «Ингуштранспорт» ГАУ алапеш дӏадалара хьал тоадир. 2025 шера маьтсела бетта денз, предприяте болхлоша хьаийду бӏарчча алапеш шоай ханнахьа, цу тӏара бюджета а бюджета йоацача а ганзашта доагӏар дӏа а хьежадеш.
Лоархӏаме оагӏув дӏалоацар да транспорта даькъ тӏарча промышленноста Министерствера хьа а яьккха, Гӏалгӏай Республикан автомобильни наькъий, транспорта Министерстве из дӏаенна хилар. Цо таро лургья дикагӏа болх тоабе, ахчанцара хьал меттадоаладе.
«Алапеш шоай ханнахьа цадалар ӏаткъаш хул дезалашта юкъерча таронашта, цар лаьрхӏача хӏаманна, цудухьа цу тайпара хьал цанийсдалийтар керттера декхар да. Тха таро хилар, «Ингуштранспорте» хьалуш дола алапеш шоай ханнахьа хилийта, хӏаьта хьаӏайна декхар чӏоагӏъяьча планага хьежжа дӏадоакхаргда», - аьлар Келаматанаькъан Мухьмуд-ӏаьлас.
Алапеш дӏа ца луш дола декхар да 9 миллион сом, из хьаӏайра 2025 шера саькура беттагара бекарга беттага кхоачаш, хьалхара кулгалхо волаш. Гӏалгӏайчен кулгалхочо Келаматанаькъан Махьмуд-ӏаьлас хьалхашка оттадаьча декхарах техкар лаьрххӏа йола цу деша оагӏув, кӏезиг-кӏезиг декхар дӏадалар духьа.
Республикан Кулгалхочо белгалдир, кадрай болх вӏашагӏболлара хаттараш нийса кхоачашдарах «Ингуштранспорта хьал тоаде таро хилар.Транспорта оагӏув кердача даьга дӏаяларо тоалучахьа дерзадир урхаллен балха хьал. «Тха декхар - болхлошца нийсхо лелаяр, шоай ханнахьа алапеш дӏалуш хилар, къахьегама лерттӏа хьалаш ӏалашдар».
