Мартазанаькъан Тимура хетабаь гойтам хилар Москве
15.08.2025 09:15
Къаман суртанча волча Мартазанаькъан Тимура 50 шу дизара хетабаь гойтам хьабийллар РФ Юкъарча палате. Цига гулбеннабар ГӀалгӀайчен массазара викал Малсаганаькъан Мухьмад, цун балха новкъостий, студенташ.
Хьажархошта хьокха оттадаьд цо кхелла говза, тайп-тайпарча ханашкара лоаман моттигаш, иштта кхыйола хозаленаш гойташ дола сурташ.
Цу гойтама керттера декхар Мартазанаькъан Тимура балхаш мел дукха хӀама чулоацаш, моллагӀча сага дог тохадолийташ, говза кхеллалга дӀагойтар да.
