«Росси» яхача гойтаме хилар 10 миллион совгӀа саг
Бекарга бетта 6-ча дийнахьа Халкъашта юкъерча «Росси» яхача гойтаме-кхетаче итт миллион саг вар хилар кхоачашхилар Ярославера Панфилов Константин цига варца, из цига венавар ший фусам-наьнаца Екатеринайца.
«Из тхона вӀалла дагадоацаш нийсделар, тхо укхаза хьалхара да», - аьлар Константина. Екатеринас тӀатехар, къаьстта шоаш цу таьрахьа тӀа нийсбаларах гӀадбаха хилар.
СовгӀата лаьрхӀа Константина, цун фусам-нанна «Россена карагӀдаьннар» АНО, «Росатома» кулгалхошкара сертификат делар Мурманске баха, цу юкъе «Ленин» яхача атомни ледокола тӀа а кхыйолча гӀишлошка а баха таро йолаш. Уж эггара хьалха гӀоргба эрсий Къилбаседе. ГӀалгӀайче а хилар гойтаме дакъа лоацаш.
Гойтама даькъ тӀа дукхача наьха терко тӀаехаш говзанч-хьехам белар, сурт мишта дилла деза гойташ.
ЗӀамигачун а воккхачун а таро яр, Куштанаькъан Эльмирай тӀахьожамца сурташ дахка. Говзанч-хьехам ГӀалгӀайчен даькъ тӀа бицлургбоацарех хилар.
