ТӀема доакъашхой болча баха хилар къона эскархой
Вишневски цӀерах йолча керттерча тӀема госпитала № 3 йолча филиале дарба деш бола тӀема доакъашхой болча баха хилар вай мехкара къона эскархой. Из хоам «Сердалога» бир берий-кагирхой болабалара оагӀон зарбан болх лелабераша.
«Кхетаче «Къона эскар»: денал долча гӀулакхашкара – кердача дикашка» хетаяь я цу оагӀон бархӀ шу дизара. Берригача мехкара къона эскархой гулбелар тӀема доакъашхой болча, цар хьал тахка. Шоашкара совгӀаташ денна, кастагӀа ураэтта, могаш-маьрша болаш иразе баха даькъалабийцар бӀухой бераша. Украинерча тӀема операцен доакъашхошта Денала орденаш, «Майрал гойтарах» яха майдилгаш, Жукова цӀерах йола майдилгаш еннай Россе Герзашцарча низий Министерствон керттера инспектор волча Исаков Владимира. ХӀаьта, дарбанче къахьегараш белгалбир эскара инарала «ГӀо дарахи къахетаме хиларахи» яхача майдилгашца.
