Къона эскархой дакъа лоацаш ба, «Низ барий поэзи» яхача боламе
ГӀалгӀайчен къона эскархой, цаӀ вокханна тӀехьа, ерригроссийски «Низ барий поэзи» яхача болама доакъашхой хулаш латт. Из дӀахьош я Россех ГӀирма хьакхийтта 10 шу дизара хетаяь, яхаш, дийцар «Сердало» газетага берий-ондаргий моттигерча болама отделене зарбан болх лелабераша.
«Из лоархӀаме ди белгалду тахан мехка дукхача моттигашкарча къонача эскархоша. Цу «халкъа цӀайна» шоай дакъа юкъедахьа лаьрхӀар МагӀалбик-Шахьара тӀема-патриотически ишкола дешархоша. Дег чу ювшаш йола байташ йийшар МагӀалбикерча №18 йолча ишколе деша багӀача БӀарахой Ясминас, Белхарой Аминас.
Иштта ГӀалгӀайчен къонача эскархоша укх деношка яхьаш дӀайихьар, ГӀирма Республикан дикагӀа хьанна йовз тохкаш», - аьлар хоамо.
Белгалду, ГӀирма юха Российски Федераценна чуйоагӀаш хилар, 2014 шера тушола бетта 18-ча дийнахьа денз, ГӀирма Республика, Севастополь Россена чуйоагӀаш хиларах долча Договора кулг яздаьчул тӀехьагӀа.
