«КӀай кема» яхача яхье, толашагӀа бола жӀакех ловзараш белгалбир
НачӀал долча берий «Олимп» яхача ГАОУ лицее жӀакех йола ерригача Россе яхьаш дӀайихьар. Из хоам «Сердалога» бир дешареи Ӏилмани гӀулакхех йолча министерствос.
«КӀай кема» яхар берий кхетама таронаш лакхъеш йола массайолча моттигашка яьржа яхь я», - дийцар цу гӀулакха хьалхалаттараша. Ше-ше котъяла гӀерташ, къахьегаш яр тоабаш.
Республикера толашагӀа йола тоабаш гулъяьяр яхьашка. Кагирхошта, берашта юкъе жӀакех дола гӀулакх доаржадар лоархӀаме долга белгалдеш къамаьл дир гулбеннарашка министерствон болхло волча Вешкаранаькъан Хизара.
Котало яьккхар Наьсарерча гимназе, «Сириус» яхача Соче дӀахьоргйолча яхьашка вай республикан спортивни сий лорадеш хургба уж. ШоллагӀча моттиге хилар Магасера №1 йола ишкол, хӀаьта кхоалагӀча лагӀа тӀа эттар МагӀалбикера №3 йола ишкол.
