ВIашагIкхетаре хиннарашта, Чайка Юре дIавовзийтар цу дийнахьа оттаваь, юкъерча бувзама гIулакхах волча полпреда гIонча вола, Валиев Айдамир. Къаьстта цу хIаман лакха терко елга гуш дар. Ший меттиге юха керда хержача Бердиев Исмаилага, из балха тIехьа даькъала вувцаш, къамаьл дир Чайка Юре. Белгалдир, округе дахача къамашта юкъера безами, вIаши оагIув лелабеш хилари геттара лоархIаме долга, тахан латтача хана. Ца хьоахадеш дисанзар тахан Украине этта хьал. Чайка Юре теркалдир, цига тIема декхараш дIахьош болча российски салташа дIахьокха майрали гIулакхи. Иштта кхетаче дийцар дин иституташка, субъектай округе кхоачашде дезарех. ВIашагIкхетар йисте даьлар, массанена, шоай оагIорахьа цар дIахьоча нийсача белхах, баркал оала каьхаташ луш.