«Шоай унахцӀено миштай хьожаш бола нах чакхбоахаш, ФАП болхлоша дика къахьийгар, цига эшаш мел дола гӀирсаш дар, мехка массайолча юрта из болх дӀа а бихьар. МоллагӀа вола, ший могашал дагайоалла саг цига чакхвала йиш йолаш вар, иштта лорий хьехамга ладувгӀа а таро яр цар, мах а боацаш», - йоах хоамо.

Цу балха керттера маӀан дар, ГӀалгӀай Республикан бахархошта, шоай ханнахьа лорашка чакхбала безилга хьалхадаккхар, гаьнадоалаш дола лазараш дий хар. Хьаькъал долча наха дика кхетаду, моллагӀа дола лазар, дукхача ханашка дарба деш леладечул, хьацакхетийтар бӀаьзза дикагӀа долга.

«УнахцӀенон цӀермашин» яха болам мехка бахархошта лорий новкъостал дӀакхачийтара йолча программан керттера дакъа да. Цу тайпара болх дӀахьу мехка, нах шоай могашалга хьожаргболаш, цар лазараш лоацаргдоацаш», - аьлар ГӀалгӀай Республикан унахцӀенон министра Антошканаькъан Заремас.