«ЦIи яргйоацаш лораде дезаш дола гIулакхаш бахархошта хьалхадоахаш, лорале яхаш, царга кхайкарал деш, боккха болх дIакхихьаб цIи йоае оарцагIъухараша», — йоах тхога бенача хоамо. Цу гIулакха болча болхлоша хьалхадоах, цIерах хинна хатар нийсде оттачул дуккха аттагIа, дикагIа да наха, из цIи ялара кхерам болча гIулакхех, бахьанех лоралуш.

Бахархошка кхайкарал ду цу даькъ тIарча болхлоша: «Боккъал лорале, цIи ялара кхерам болча хIамаех! Йоагаш йола цIи йите, юхера дIа ма аха! Кхаьч-кхаьчача цIераш етташ дола гIулакх дита! Ма е шоашта а наха а хало!»