Бокъонах доацаш, миинга хьу хьакхарах ГӀалгӀайчен вахархочунна суд ергья
21.02.2024 14:56
Шолжа вахархочунна, дикка Ӏаьдала зе деш, бокъонах ца доаггӀача беса цо хьу тийда хиларах, доагӀаш дола таӀазар дергда. Цо мотор боаллача херхаца тийдай миинга лоаман хьу, яхаш, дийцар «Сердало» газетага ГӀалгӀай Республикан Ӏалам лорадеча боахаме.
«Шолжа кхален прокуратуро бехк беш дола гӀулакх хьадийллад цу сага духьала. Лоткъам эцараша яхачох, карарча шера цу сага, цхьаккха бокъо а йоацаш, хьун даькъ тӀара, Мужеча гаьна йоаццаш, хьу тийдай.
Цу тайпара, Ӏаьдала бокъонаш телхаярца, цо «Шолжа хьу» ГКУ 26 эзар сома зе даьд», - аьлар тӀахьожама боахамо.
Прокурора уголовни гӀулакх дӀадахьийтар цигарча кхален суде, цо къоастабергба закон телхадарах бола бехктокхам.
