РФ УК 1,2 д. 228 ст., иштта 1 д. 222 ст. боагӀаш бола бехк бу цунна, дукха наркотикаш цунгара кораярах, бокъонах доацаш цо герз а, цунцара гӀирсаш а леладарах.

Лоткъам эцаш хинначо яхачох, МагӀалбикерча ший цӀагӀа цо 300 грамм совгӀа марихуана лелаяьй, кара хьаяь тепча а кораяьй, из яь хиннай «ХОРХЕ» яхача травматически герза оатхалех, цунца 5 9Х18 калибра поатронаш хиннай.

ГӏалгӀай Республике гӀолла йолча МВД хьем боаццаш болх лелабераша, 2024 шера шоай аргӀанара болх дӀахьош, из гучадаьккхар.

Уголовни гӀулакх дӀадахьийтад, МагӀалбика шахьарерча суде тахкар духьа.