Наркотик йохкаш лийначун гӀулакх суде да
15.02.2024 11:44
200 граммах латта мефедрон яха наркотик йохкаш хиннача МагӀалбикерча вахархочун гӀулакх судо тохкаш латт. Из хоам «Сердало» газетага бир МВД.
«Тохкамхоша дӀабихьача балхо гучадаьккхар, хьалха суд яь хинна зуламхочо интернете гӀолла наркотик йохка гӀулакх вӀашагӀделла хиннилга. Ставрополера машенаца хьаяйтай цо 200 грамм мефедрон яха наркотик. Бакъда, Даьла къахетамца, из йохка кхийнадац зуламхочун. УФСБ, МВД къахьегамхоша дӀабихьача балхах из дохьаж дохка ца кхувш висав хьарамча хӀаманца ший таро тоае веннар», - йоах тхогарча хоамо.
Зуламхо набахта воалл, цун гӀулакх Магасерча судага да. Ӏаьдала болхлоша дӀахо а тохкаш латт цу базарца дувзаденна мел дараш.
