ЦӀагӀа хьадаь корта бохабу малар дехкачун, уголовни гӀулакх хьадийллад
07.12.2023 12:05
МагӀалбик-Шахьаре уголовни гӀулакх хьадийллар, цӀена доаца корта бохабу малар дохкарах,яхаш, хоам бу «Сердало» газетага ГӀалгӀай Республике гӀолла йолча Россе СК СУ.
«МагӀалбике гӀолла йолча тохкама отдело укхаза яхаш йолча кхалсага духьала, цӀена доаца корта бохабу малар дохкаш из хиларах, уголовни гӀулакх хьадийллар. Тохкамхочо яхачох, карарча шера ардара бетта, Заьзганаькъан-Юрта мах беча моттиге цӀена доаца корта бохабу малар дехкад цо, меннача сага могашала Ӏаткъаш да из», - хоам бу цу гӀулакхага хьожаш бараша.
Тохкама болх дӀахьораш Россе закон толхадаь хиларга кхы тӀа хьож.
