Гӏалгӏайчен вахархочун суд ергья, низ беш, наьха фусаме чуваларах
06.03.2026 09:57
Тӏой-Юртара вахархо суда хьалхашка оттаргва, бокъонах доацаш, низ беш, фусаме чуваларах, яхаш, дийцар «Сердало» газетага ГӏР прокуратуре.
«Тохкамхоша яхачох, бехкевар, 2025 шера ардара бетта 5-ча дийнахьа, Наьсарен-Шахьаре ший хьалха хинна фусам-нана зӏамигача берашца яхаш йолча квартире низагӏа чуваьлар. Цул совгӏа, цо из мосаш а лаьца дӏатокхайир, шийга кхалсага дӏааравала яха къамаьл вӏалла теркал а ца деш»,- йоах хоамо.
Цу тайпара, бокъо йоацаш наьха фусаме чуваларах, контституционни бокъо толхаяьй цо. Уголовни гӏулакх прокуратуро дӏадахьийтад ГӏР Магаса кхален суде, цига къоастабергба цун бехк.
