ГӀалгӀай мехка 240 юкъара моттиг тоаяьй, тӀехьарча пхе шера
ГӀалгӀай шахьарашка дика хьалаш хилийтара 2017 шера денз дӀайолаяьча проект бахьан долаш, 240 юкъара моттиг тоае вӀаштӀехьадаьлар. Цу юкъе да 59 коашкара доазош,181 юкъара моттиг, яхаш, дийцар «Сердало» газетага мехка гӀишлошъяра боахаме.
«Юкъара хьаийцача, 2024 шу дӀадолалуш, шахьара дика хьалаш хьакхоллара болх, 2019 шера хинначунца нийсбича, 16% дукхагӀа ба, хӀаьта Магас-Шахьар дикача хьалий шахьар лоархӀаш я. Цул совгӀа, ГӀалгӀайче хӀара шера дакъа лоацаш я, шахьара дика хьалаш хьакхоллара дӀахьош йолча Ерригроссе яхье. ГӀалгӀай Республике, 2018-ча шера денз 2023 шерга кхаччалца, зӀамагӀа лоархӀаш йолча шахьарашкара дӀачуденна хиннача ялх дехарах кхоъ котдаьлар», - аьлар республикан гӀишлошъераша.
Из гӀулакх довзараша белгалду, цу юкъе республикан бахархоша дикка дакъа юкъехьош хилар.
ГӀалгӀайчен итташ эзараш бахархоша Россе гӀишлошъяра министерствон даькъ тӀа онлайн-кхадж тоссаш, 2021 шера дакъа лаьца хилар бахьан долаш, цу лостамагӀа къахьегача боахамий вӀаштӀехьадаьлар, нах бахача моттигашка дика хьалаш хилийта. Дувца доазонаш тоадарга гӀолла, мехка бахархой сатувсар а кхоачашхул.
