Ахча лочкъадаьр 2 шера ӏаьдала болх беш хургва
Оапаш бийца, наьха ахча лочкъадаь Тӏой-Юртара вахархо бехктокхаме эзар ӏаьдало. Из хоам «Сердалога» бир МВД. РФ УК 3-ча даькъа 159 ст. бехктокхаме эзар къоал даьр.
«Суде белгалдечох, 2019-ча шера бӏаьстан хьалхарча бетта Магасе хиннад из хӏама. Суд яьчо, ахча даккха дагахьа волаш, шийна вовзаш хинна саг тешаваьв, декхараш кхоачашдеш цун хиннача човхамах чуденна граждански гӏулакх цун аьттув болаш чакхдоалийтаргда, аьнна. Цу гӏулакхаца дувзаднна цхьаккха хӏама кара доацача цо, из саг тешаваь, цунгара даьккхар 750 эзар сом ахча», - дийцар мехкарча прокуратуре.
Дӏахо, ахча шийна ма тов диа, цхьаккха тайпара цу гӏулакхаца новкъостал даь воаца из саг, дӏатехача вӏалла телефон хьа ца эцаш, сецав. Цу сага ворхӏ бер хилар теркалдеш, 2 шера ӏаьдала болх бергболаш бехктокхаме эзар судо, наьха ахчах вӏаьхий хила веннар.
