Мефедрон, марихуана лелаярах; ГӏалгӀайчен вахархочунна 3,5 шу суд йир
24.03.2026 15:38
ГӀР Магаса судо техкар моттигерча вахархочун духьалара уголовни гӀулакх, из бехке ву наркотикаш лелаярах, яхаш, дийцар «Сердало» газетага моттигерча прокуратуре.
«Судо лаьрхӀар, 2025 шера тов бетта цу сага бокъонах доацаш наркотик лелаяьй - 5 гр гаргга мефедрон. Из хьалаьцар 2025 шера тов бетта 9-ча дийнахьа Наьсарен-Шахьара полице болхлоша, цунгара хьаяьхар наркотикаш», - йоах тӀахьожама боахама беча хоамо.
Иштта белгалдаьлар цу сага Наьсарен- Шахьаре ше вахача моттиге17 гр совгӀа каннабис (марихуана) лелаяь хилар.
Судо дӏалаьрхӏар цу сага кхоабаш диъ бер хилар, цу тайпара цунна 3 шу 6 бутт набахтен ха техар. Из ха цо дӀахьоргья тоавалара чӀоагӀача боарама моттиге.
