«Дукхача шерашка Мухьмада Асхьаб тӀахьожам лоаттабеш вар юкъерча профессиональни дешарца, гӀишлон объекташца, керда къаман проекташ кхоачашъярца дувзаденнача дешашта. Цо дакъа а лоацаш, дукха йоккхий кхетаченаш дӀайихьар республике, кхоачашъяьй йоккхий проекташ, программаш. Бехктокхаме хилар, ше хьадоладаь хӀама дӀахьош хилар, къахьегама тӀера хилар, хьинар кхо ца деш шийгара доагӀар юкъедахьаш хилар - уж оамалаш цох йоахкаш яр», - аьлар Боканаькъан Аьсета ший телеграм-канале.

ГӀалгӀайчен дешара, Ӏилман министра ший хинна балха новкъост даькъалавийцар, дӀахо дӀахьоргдолча вахаре кердадараш юкъе а доаладеш, дикача таронашца хьайна ховш дар чакхдаккха низ кхоачалба хьа, язду цо.