ГӀалгӀайчен Паччахьалкхен кулгалхочун гӀонча вола Зурабанаькъан Ювсап бахархой тӀаийбеш хилар
20.03.2025 12:10
Паччахьалкхен кулгалхочун гӀонча волча Зурабанаькъан Ювсапа бахархой тӀаийбу ди дӀадихьар.
Цунгара гӀо деха тӀавахар мехкара бизнесмен. ООО «МерзагӀдар» яхача мерза хиш арахецаш йолча моттига болхлочо Цхьорой Ислама хьакимгара дийхар; хӀамаш дӀа-хьа кхухьаш йола йоккха машин эца грант яккхара гӀо де шийна, аьнна. Тикашка, базарашка хиш дӀакхахьа машин чӀоагӀа эш царна тахан.
Цу гӀулакхо шоай болх дикка тоабергхилар белгалдир Ислама. Цун дехара жоп луш, Зурабанаькъан Ювсапа экономикан хьал доаржадеча министерствонна тӀадиллар; бизнес лелаерашта гӀо деча ганзе цун дехарга хьожаргболаш болх дӀахьо, аьнна.
