«Шоана ховргдолаш хоам бу оаха, кхоана 2022 шера лайчилла бетта ткъаь кхоалагIча дийнахьа ремонтни балхаш дIахьош хиларца дувзаденна шахьара хина турбаш тоаяь яллалца Iуйрийна ялх сахьат даьлча сайрийна ялх сахьат даллалца йолча хана хий юхасоцадергда Шолже гIолла», —  йоах шахьара администраце хьабайтача хоамо. Мэре иштта белгалъеш я уж тоаяь яьнначул тIехьагIа турбаш хих юха хьалъйиза езаш йола ха мел хургъя. Цудухьа, ма-дарра дIалаьрхIача из хул шийтта сахьатал дукхагIа.

Шолжа Iаьдало бахархошта хьалхадаьккхад хица Iалашо е аьнна. ХIана аьлча лакхехьа белгалъяьча хана хий доацаш виссача, сага вахарера гIулакхаш а юкъах дусс. Цудухьа хьалххе а хоам бу из иштта нийслургдоацаш.