ГIалгIайчен вахархочунна кхел яьй, машенаца волаш наькъа хьовзам хинна, цо саг верах
Житель города Малгобека осужден к лишению свободы за совершение ДТП в пьяном состоянии, при котором погиб пассажир, информировали газету «Сердало» в пресс-службе Прокуратуры РИ.
«ГIалгIай Республика МагIалбика-шахьара судо тахкар, 29-шу даьннача, моттигерча вахархочунна уголовни гIулакх.
Из бехке ву корта бохабу малар менна а волаш, машена наькъа болама бокъонаш телха а яь, цо саг верах», — аьнна белгалду тIахьожама боахаме.
Судо оттадир, цу саго дIадахача шера, корта бохабу малар менна а волаш, бийсана МагIалбика-шахьара Физкультурная оалача урамах наькъа тIара а ваьнна, мешен сиха а лаьлла, харцахьача оагIорахьа юстара иккха, юкъара транспорт латтача остановках машен техай.
Из бахьан долаш, цун машена чу ваьгIа саг чIоагIа човнаш а хинна больнице кхаьчавар, ийс дийнахьа дарба даьчул тIехьагIа, кхы метта ца воагIаш из дIакхалхав.
Из деррига дIа а лаьрхIа, судо цунна пхи шу набахтен ха техай. Из доацаш, цунна бокъо лац, Iаьдало, шин шераи ялх беттаи транспорт лелае а.
