Маьтсела беттара бIаьстана цIай денош хьакхачалехьа, ГIалгIай Республика судебни приставаша дIайихьар «Хьай бокъонаш йовза, хьай декхараш довза» яха Ерригроссе хоамий мероприяти.

Из бахьан долаш, региона бахархой, цу хаттарех дола новкъостал эца а нийсагIа дар довза а таро йолаш ба.

ЛаьрххIача органий болхлоша, мобильни пункташ хьайиллаяр цхьацца йолча центрашка, цига бахархошта тайп-тайпара хоамаш дар, хьалхадоаккхар декхар дIадалара гIулакх мишта латт, йоал ялара хьал малагIча боараме хила деза.

Цу тайпара, цига дакъалоацаш хиннача республика бахархоша, шоашта ца довзаш дола хаттараш тахкар, декхар хьарчара гIулакх юстардаккхара, хьалхарча аргIах, де дезар малагIа да а белгалдаьккхар.