Зуламхошта таIазар дар дех шахьара бахархоша
Жители Назрани в Ингушетии недовольны тем, что вандалы портят места общественного досуга, — сообщили корреспонденту газеты «Сердало» горожане.
«Из моттиг тоаеш латтача хана, чIоагIа гIаддаха дар тхо. Юхе парк хилча, сайранна араваьнна, цIенача феца садоахаш лела йиш яр, гаьнашта кIалха Iохайна ха яккха аьттув бар. Берашта а доккха совгIат дар иштта тоаяь моттиг. Шоай бераш цига ловзийташ, шоаш, салоIаш, гIандаш тIа багIаш хулар ноаной. ХIанз тхона гур ийрча сурт да! Из зулам деш баьхкарашта, доаггIаш дола таIазар де деза!» — дувц Наьсарерча яхархочо.
Шахьара бахархоша яхачох, эггара дикагIдар да видеокамераш оттаяр. ТIаккха доаггIаш дола гIод теха, кхы цIаькха цу тайпара хIама дергдоацаш, бехктокхаме оза йиш хургья дер дайна лелараш. Белгалде деза, из парк массехк шу хьалха шахьарера моттигаш тоае кхеллача федеральни программага гIолла меттаоттаяьлга. Бахархоша тахан дехар ду, уж моттигаш телхаергйоаца гIулакх Iалашде, яхаш.
