Ше тIахьожама вахарца гIалий мэра Евлой Урусхана, гIалай юкъерча административни округа кулгалхочунца Оздой Русланаца цхьана, иштта гIончашца тахкар Назрань — гIала цхьан урамах асфальт биллара балхаш.

Нальганаькъан урам эггара йаьхагIа я гIалий тIа, километрага кхоаччаш. Хьалха ше укхаза нийсвелча, из кхийтар урамах асфальт билла безалга.

Бахархоша карташ арахьа яь хиларах, тротуар билла моттиг тоацар. ХIаьта, хIанз, укхаза тешаме йола кIийле Iойиллай.

Евлой Урусхана дош деннад урама йоахалла канализаци йилла, тIехьален наькъаш лорадара, догIан хиш дIадахка.

Нальганаькъан урама бахархоша баркал аьлар гIалий тIарча мэра, цун новкъосташта, наькъахошта урам тоярах.

Белгалдаккха ловр, гIалий викалий болх — из керттерча даькъе наьха хьашташ кхоачашдар ба, царна юкъе доазонаш тоадар боккхача лоархIаме а да.