Россе моттигашкарча ЖКХ балха кердадараш хургда
Президент Владимир Путин в своем Послании Федеральному собранию, в частности, отметил, что в течение десяти лет в программу ЖКХ будет инвестировано 4,5 трлн рублей.
«Вайна дика хов из наха мел лоархӀаме да, цу даькъ тӀара болх мел тӀехьабисаб. ЛоархӀаме да программа сиха дегӀайоалаяр», — аьлар российски паччахьалкхен Кулгалхочо.
Белгалдаккха деза, дукха ха йоацаш, РФ чуйоаг1а моттигаш дегӀайоалаяра РФ паччахьалкхен вице-премьера Хуснуллин Марат кертте латтача комиссе 2023- 2027 шерашка коммунальни болх кердабаккхарца ювзаенна пхийтта моттигашта лаьрхIа программа кийчйир.
Цу тайпара дола балхаш ГӀалгӀайче карарча шера дӀадолалургда.
Мехка министрий кабинето кийчъяьй, «ГӀалгӀай Республикера 2023-2027 шерашкара коммунальни болх тоабара» йола моттигера проект. Из де таро хургья, «Доазув дегӀадоаладара Фондо» ахчанца новкъостал дарах. 2023-2024 шерашка де лерхӀача балхашта ялх хIама чудоагӀа, царна лаьрхIа да 841,82 млн сом.
Цу юкъедоагӀаш да тишъенна хин турбаш хувцар, бурув тохар, керда хин станцеш хьалъяр, кхыдола де деза балхаш дар.
ХьалхагӀа ГӀалгӀай Республикан кулгалхочо Келаматанаькъан Махьмуд-Ӏаьлас белгалдаь хиннача беса, коммунальни даькъ тӀара балхаш даь чакхдаха деза.
