Ӏан хана +18 градусага кхоачаш эттача йӀовхало шубаш Ӏояхийтар
08.02.2024 13:20
Ӏан саькура бетта хьалхарча кӀира эттача +18 йолча йӀовхало, бӀаьсти яьлча санна, хетийтар ГӀалгӀайчен бахархошта, цунца цхьана шубаш, йӀайха курткаш, полтув ювха езилга а дицделар, йоах «Сердало» газетага хоамо.
«Саькура бетта геттара чӀоагӀа эттача йӀовхало хьагойт вай дунен тайп-тайпарча моттигашка климат хувцалуш доагӀилга. ДӀайха барзкъа тӀадийхача, йӀайха я», - аьлар Наьсарен шахьара цхьан вахархочо, ара этта йӀовхал ювцаш.
Дукха ха йоацаш лаьттача шелала меттел, хӀанз го йиш я докъаденна наькъаш, цхьадолча даькъ соахкара баьцаш. Мозий а кхыйола зӀамига садоалла хӀамаш а я. Бакъда дукха бахархой тешаш ба, лоа а Ӏан шелал а юхайоагӀаргхиларах, бӀаьсти юкъекхаччалца.
