Хьунашкарча оакхарашта ялат тувс Ӏан хана
05.02.2024 12:14
Чарахьал деш долча доазошка гӀолла го боахаш, тӀахьожам лоаттабеш, цига лелача оакхарашта ялат дехк вай мехка. Из хоам тха «Сердало» газетага бу Ӏалама гӀулакхах йолча министерствон къахьегамхоша.
«ДӀадахача кӀира, шоаш доал деча МагӀалбикерча чарахьал деча доазон тӀа цу мугӀарера болх дӀабахьа арабаьнна хилар Янданаькъан Бориси Хугойнаькъан Исроапили. Массахана санна, цига дахаш долча оакхарашта лаьрхӀа ялат дера цар. Шийла Ӏан денош такха аттагӀа хургда цу мискашта, кер биза хилча», - белгалдир министерствон болхлоша.
Цу оагӀон къахьегамхоша шоай болх боаггӀача боараме дӀахьош хиларах, ший хозал, беркат ца довш латт вай мехкара Ӏалам.
