Корта бохабеча маларах волаш, машин хехкаш лийначо ши шу суд токхаргья
Ӏаьдала болхлошта хьалхашка бӀагалваьнна хьийзача 48 шу даьннача вахархочун гӀулакх къоастадеш хилар Шолжа кхален суд. РФ УК 2-ча даькъа 264.1 ст. бехктокхаме озаш ва тахан из саг. Корта бохабеча маларах волаш, машинаца араваларах, хьалхагӀа суд яь ше воллаше, цох масал ца хулаш, цӀаькха а веха волаш машина ко лаца эхь хетанзар цунна.
«Судо белгалдечох, укх шерарча бекарга бетта 28-ча дийнахьа, корта бохабу малар менна волаш, машин хехкаш лийннав из. Белгалде деза, хьалхагӀа ишттача хьале волаш, машинаца араваларах каьхаташ дӀадаьха, суд яь из хиннилга.
Бакъда, хьагучох, цу сага цох тоам хиннабац. Шолжа-Шахьар – Серноводск яхача наькъ тӀа соцавир из Россе МВД Шолжа кхален ДПС ОГИБДД МО болхлоша», - йоах «Сердалога» прокуратурера бенача хоамо.
Къаракъ мелаш, наькъ тӀа боккха кхерам боаржабеш лийначо ши шу суд токхаргья набахта укх наькъа; цул совгӀа, пхе шера машина руль лаца йиш йоацаш бокъо йийхкар цунна.
