Наьха хӏамаш хьателача моттига доккха къоал дарах, дегабуам бу Гӏалгӏайчен вахархочох
07.08.2026 12:20
Боккхача боараме къоал деш хиннача 22 шу даьннача вахархочун гӏулакх тохкаш ба тахан Шолжа кхале. Массанена йовзаш йолча, ше болх беш хиннача маркетплейсера (онлайн хӏама эцар) наьха хӏамаш лечкъаярах гӏулакх хьадийллад цунна духьала. «Сердалога» из хоам бу МВД зарбан болх лелабераша.
2025-ча шера маьцхали бетта 15-ча денгара оагӏой бетта 24-ча денга кхаччалца, тийшаболх кхестабеш хиннав из цу моттиге. Наха дӏа ца эцаш йиса, складе юха дӏаяхьийта еза хӏамаш шийна чукхихьай цо.
Хӏаьта ше леладер къайладахьа гӏерташ, уж юхаяхьийтача санна болх кхестабаьб цо цхьан программага гӏолла. 135 тайп-тайпара хӏамаш я цу сага шийна чукхихьараш.
Шийна товр царех деш ваьхав из. Дӏахо дикка тохкаш ба ӏаьдала болхлой из гӏулакх.
