Гӏалгӏайчен вахархо 300 сахьата болх бе безаш оттавир, алименташ дӏацадаларах
Магаса кхален судо бехк беш дола гӏулакх чӏоагӏдир, 36 шу даьннача моттигерча вахархочунна духьала. Из бехке ву алименташ дӏа ца луш хиларах (РФ УК 1 д. 157 ст.), цу сага, судо яь чӏоагӏо теркал а ца еш, дукха ха яьккхар, ший кагийча берашта ахча дӏа ца луш.
«Судо чӏоагӏдаьдар, из маӏа саг ший пхе бера, уж доккха хиллалца, алименташ тела дезаш ва, аьнна.
2023 шера оагӏой бетта машара судхочо из административни бехктокхаме эзар, цо берашта доагӏаш дола ахча дӏалуш цахилар бахьан долаш. Иштта дале а, из дӏахо а цу тайпара вахар дӏахьош вар, болх ца беш, бераш кхедара ахча дӏа ца луш, е балха оттара оагӏув ца лохаш, цхьаккха тайпара берашта новкъостал ца деш.
Цу тайпара цо дӏадала деза ахча хьаӏайра 990 эзар сомага кхоачаш»,- аьлар «Сердало» газетага Гӏалгӏайчен прокуратуре.
Судо 300 сахьата болх бе безача оттавир из саг.
