ГӀалгӀайчен вахархочоа суд ергья саг ве гӀортарах
ГӀалгӀай Республикан прокуратуро Лакхерча суде дӀадахьийтар 48 шу даьннача моттигерча вахархочун духьалара уголовни гӀулакх, из бехке ву саг ве гӀертарах. Из хоам бир мехка прокуратуран зарбан болх лелабераша.
Тохкама болх дӀабихьараша яхачох, 2024 шера лайчилла бетта зулам дагадехачо, шийна вовзаш волча сагаца дорхал хиларах, из ве лаьрхӀар. Цо лехар, ахча а денна, из ве саг, из верах луш хинна ахча дар 50 эзар США доллар.
Бакъда из заказ кхоачашде дезаш хиннар, цу гӀалакха юкъе а ца водаш, бокъонаш лораяра органашка вахар, саг ве кийчлуш хиларах хоам бе.
ДӀахордар мехка МВД, Россе ФСБ бокъонаш лораяра болхлой тӀахьожамца дӀадихьар. Операци дӀайихьар, из саг вувш санна оттаяьча сценарех. Цул тӀехьагӀа, «из ве везаш волчо» «заказ даьчунга» сурташ а из вувш йола видео а тӀайола материалаш дӀаенначул тӀехьагӀа, цо ше лургда аьннача ахчан дакъа - 40 эзар США доллар хьаделар.
Из ахча хьалуча хана, из саг хьалаьцар. ХӀанз из чувелла воалл.
Уголовни гӀулакх дӀачуделар ГӀалгӀайчен Лакхехьарча суде, доаггӀача беса тахкара.
