ГӀалгӀайчен вахархочо 100 эзар сом гӀод токхаргда, бокъо йоацаш гӀаьленаш йохкарах
МагӀалбика вахархочунна 100 эзар сом гӀод техад, бокъо йоацаш гӀаьленаш йохкарах, яхаш, хоам бу «Сердало» газетага ГӀалгӀай Республикан бокъонаш лораераша.
«ГӀалгӀай Республикан МагӀалбикерча суде шахьара прокурора, бехк беш волча паччахьалкхен болхлочо дакъа а лоацаш, техкар моттигерча вахархочунна духьала дӀадоладаь уголовни гӀулакх. Судо чӀоагӀдир, дӀадахача шера аьхки цу сага МагӀалбикерча базар тӀарча «Беркат» яхача даькъ тӀа лораеш хиннай йохка лаьрхӀа 218 эзар сом мах бола, марка тӀайоаца гӀаьленаш. Бакъда бокъонаш лораераша, уж хьа а леха, дӀаяьхай», - аьлар мехка прокуратуре.
Судо кхел йир цу сага, 100 эзар сом гӀод токхаргдолаш, российски паччахьалкхенна болча пайданна из дӀа а луш. Судо яь кхел юкъеяьнначул тӀехьагӀа, уж гӀаьленаш йоацаш хургья.
