Илдарха -Гӏалий тӀара вахархо, цхьан юкъа лаьца воаллача моттиге тохкамхошта духьале ярах суда хьалхашка оттаргва
Илдарха-Гӏалан прокурора чӀоагӀдир, 40 шу даьнна моттигера вахархо тохкамхошта кхерам тувсарах бехке хилар. РФ УК 2 д. 296 ст. уголовни гӀулакх хьадийллад, яхаш, дийцар «Сердало» газетага ГӏалгӀайчен прокуратуран зарбан болх лелабераша.
«Тохкамхоша оттадаьд, 2023 шера «Тохкама №1 йола изолятор» ФКУ лоткъам эцаш йолча кабинете, уголовни гӀулакх тахкара ше раьза цахиларах, саг вера бола кхерам тӀатувсаш хиннав Ставропольски крае гӀолла йолча Россе СК лоткъама урхаллен, иштта СКФО гӀолла йолча Россе СК ГСУ лоткъам эцара болх дӀахьош хиннарашта.
Дукха зуламаш даь хиларах, чувелла воаллаш а хиннав из, бокъонах доацаш герз леладарах а наркотикаш лаьца хиларах а», - йоах хоамо.
Уголовни гӀулакх дӀадахьийтад ГӏалгӀай Республикан Илдарха-Гӏалий тӀарча суде.
