Наьсарен вахархочунна ворхӏ шу суд йир саг верах, герз лочкъадарах
Наьсарерча судо кхел йир 48 шу даьннача маӏача сага, доккхий зуламаш цо дарах. Из бехке вир, ше лоравалара йола духьале еш, цо саг верах, иштта герз лочкъадарах, саг вера кхерам тIатувсарах, кхыча сага доалахьардар хӏалакдарах, яхаш, дийцар «Сердало» газетага тохкама комитете.
«Из нийсделар 2024 шера, лайчилла бетта 10-ча дийнахьа Гӏайрбика-Хьажий урамах долча цӏагӏа. Шин сага юкъе дов даьлар, дов деш хинначо хIанз лаьца воаллачун когашка карабин оала топ техар. Цул тӏехьагӏа, хIанз бехке вечо урс дийттар, вож цу човнех велар дарбанче дIакхачалехь», - аьлар хоамо.
Цул тӏехьагӏа зуламхочо, топ хьа а ийца. сигала хьалхьожаяь гIатти техар, иштта шоай гӏулакха лелача нахага бала бера.
Из маӏасаг хьалаьцар, хӏанз цо, лаьца воаллаш, ворхӏ шу ха йоаккхаргья.
Дийца дош хIанз а чӏоагӏденнадац.
