«Барт бергба дӀаводачунца, цун безам болча беса. Раьза хилар белгалдеш, барт баьча каьхата тӀа кулг язде деза цун, цхьан шергара кхаь шерга кхаччалца йолча хана амал дергхилар чӀоагӀдеш. Из ха массехк даькъа йийкъа я: дӀабаха безам бараш лорашка чакхбоал, из малагӀча гӀулакхе дӀахьожаву хьакхайкаду, из каьхата хьалхале я, цул тӀехьагӀа амал де дӀаволалу. Контрактах болхарашта 100 эзар сом ахча лу ГӀалгӀай Республикан кулгалхочо Россе тӀема министерствогара. Иштта, ГӀалгӀай Республикан паччахьалкхено цу сага лаьтта лу. Из цун доалахьа хул. Из доацаш а, бӀухой дезалашта кхыдола вахара аьттув бола хьалаш хулийт Ӏаьдалга гӀолла, молхаш лу мах боацаш, кхыдола новкъостал ду. Ший хаттараш укх номерех хьадала йиш я: (8928)-999-93-92 е (8928)-073-2-06-07», — йоах хоамо. Эскаре амал де контрактах нах дӀабахийтара йолча моттига кулгалхочун заместитела Веселов Константина яхачох, карарча шера тушола бутт дӀаболабелча денз, 750 саг дӀаязвеннав, контрактах ваха безам болаш.