ГӀалгӀай къаман
юкъара газет

Кердадараш

ГIалгIайчен бахархой дIа-юха лелача лорий тоабашка маьхий тохийта йиш йолаш ба

Магасе, Наьсаре нах дукхагIа гуллуча моттиге, моллагIа ший безам бола саг грипп оалача лазара духьала маьхий тоха йиш йолаш ва. Цу гIулакха лаьрхIа дIа-юха лелаш йола лорий тоабаш я болх беш, яхаш, дийцар «Сердало» газетага ГIалгIай унахIенон министерстве.

«Уж моттигаш оаха лаьрххIа хьахержай. Республикан столице дукха паччахьалкхен урхалленаш я. Цудухьа наьха таро я, шоаш делкъер деча сахьата дIа а баха, маьхий тохийта. ЛаьрххIа дарбанче а ваха лела цавезарах, из атта а да, къаьстта пенсе бахача наха, иштта паччахьалкхен болхлой, студенташ цу юкъебоагIа», — аьлар республикан унахцIенон министра Антошканаькъан Заремас. Таханарча дено дIадеххача беса хьаяь, фельдшерско-акушерски пункташ, эшаш мел дар чудолаш, моллагIа лорий декхар кхоачашде таро йолаш я. Уж иштта лаьрхIа я; саг лорашка, хало а йоацаш, чакхвалийтара, маьхий тоха таро хилийтара.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде