ГӀалгӀай къаман
юкъара газет

Кердадараш

Шоай коашка лелача хьайбай цӀераш яьхар бахархоша

Шоай коашка дахаш долча хьайбаех дийцар бахархоша. 100% наха белгалдир, шоашта эггара дукхагӀа дезаш дола хьайба циск да, аьнна. ДукхагӀа йолча моттиге, цӀагӀа эггара хьалха гучадаьннача цискагара хьадоагӀаш хул бахархой цискаш боча хилар.

Дуккхача наха чӀоагӀа салоӀам хулаш, беркате лоархӀаш хьайба да циск. Оаха къамаьл даьча наха юкъера 75% бахархой коа тӀара оалхазараш леладеш ба. 12% нах, дукхача хана денз, жа леладу гӀулакх беркате хеташ хьабоагӀа. 10% бахархоша юаш йола шура шоай коарча доахангара яьккха я, 4% наха доахан леладарал совгӀа, говраш а лелаю. Цхьаццабараша дийцар, шоай коашка, дукхача хана денз, яхаш йолча зӀийнах, эпах, хӀара шера хьаухача чӀагаргех. Геттара чӀоагӀа сакъердалу берий, боккхийбарий зӀий араяьлча.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде