«Цу тайпара проект вай республике кхоачашъе таро хургьяцар, лоархӀаш волча Гуцаранаькъан Микаила вайна новкъостал даьдецаре. Из цхьайолча йоккхача шахьарий даькъ тӀа мара йоацаш йола хьалхале лелаю ишкол я. Вай кхетаде деза, мах бала а ца безаш таьрахьий дегӀаахара дешар деша йиш йолаш хилар - из доккха а мах бола а гӀулакх долга. Со тешаш ва, из проект кхоачашъяровай дукхача мехкарий, кагийча наьха профессиональни говзал лакхъергья.

Царна хьалхашка хьаеллаш я йоккхий таро, аз царгара дех из таро дӀацаяхийтар», - аьлар Махьмуд-Ӏаьлас, цу ишколах лаьца дувцаш. Таьрахьий дегӀаахара Академи хьаелла лерхӀаш я, 2024 шера саькура бетта. Цига деша отта безам бараша дехараш дӀачудала деза сайтага гӀолла. «Ишкол 21» - Сбера программан мах боацаш йола ишкол я, цига 18 шу даьнна моллагӀа вола саг программировани оалача балхах дика кхеташ хила, таханарча хана эггара чӀоагӀагӀа эшаш йола ИТ-професси Ӏомае йиш йолаш ва.

Цу дикача проекто дукхача наха таро лу, хьалха дийша хиларга хьежжа, е балха говзалга, диплом цахиларга хьежжа доацаш, программированех кхеташ веце а, диплом деце а, деша отта. Ахаш совгӀа болча дешархошта, из программироване тамашийнача дунен чу боаккха хьалхара гӀа ба. Из таьрахьий даькъе наха ха дезачун говзал лакхъяра юкъехьош дола дакъа да, дӀахо из дика юкъедоаладергда балха оттача, дика къахьегача тайп-тайпарча моттигашка.