Вайцигарча бахархоша дакъа лоацаргда, Лермонтова поэтически марафоне
Янданаькъан Жамалда цӀерагӀча гIалгIай къаман библиотеко республикан бахархой бех «Сона дукха деза Лермонтова мугӀараш» яхача поэтически марафоне дакъа лаца, из дӀайолалу М.Ю. Лермонтов ваь 210 шу дузаш.
«Сона дукха деза Лермонтова мугӀараш» яхача марафоне дакъа лацара, доакъашхоша хьаяйта еза гӀорваьннача эрсий поэта Лермонтов Михаила дукхагӀа езаш йола байт тӀайола видеоролик. Из ролик язъяь хила йиш я гӀалгӀай меттала, е эрсий меттала, йӀаьха хила еза из кхаь минотал дукхагӀа йоацаш, дика оаз хьахозаш а хила еза. ДӀаязъяь гойтара материалаш тха адресах электронни почте хьаяйта еза: lbmalsagova.nb@gmail.com «Поэтически марафон» яхача белгалонца», - аьлар «Сердало» газетага къаман библиотеке.
Болам дӀахьош ба «Тарханы» яхача музейца-заповедникаца цхьана. ДикагӀа дола балхаш гуш хургда, М.Ю. Лермонтова 210 шу дизара дола цӀай дӀахьош. Марафоно тӀахьех гӀорваьннача эрсий поэта кхоллама терко яра, хӀаьта проекте дакъа лаца йиш йолаш ба безам мел бараш, яьннача ханага а вахача моттигага а хьежа доацаш.
Марафон вӀашагӀъеллараша сатувс; литературни кхоллам дегӀабоалабара, культуран тӀехьале лораяра из накъаяларга.
