«МагӀалбика кхален газпрома воккхагӀа волча инженера Галай Джамалайлас белгалдир, дикалах а иштта кхерамзленна Ӏалашо яь хиларах а доагӀаш дола каьхаташ а доацаш, юрта балансе дӀачуяхай газ, из бахьан долаш газа турба чугӀолла газ хьахеца таро яц, хӀана аьлча наьха унахцӀенонна из Ӏаткъа тарлуш хиларах. Говзанчаша гулбеннарашта хьалхадаьккхар; газ дӀахо чуйиллара дола каьхаташ дӀачуле, аьнна. Цо белгалдир, цул тӀехьагӀа газ хьачуйиллара болх сиха дӀагӀоргхилар», - аьлар «Сердало» газетага МагӀалбика кхален администраце зарбан болх лелабераша. Муниципальни даькъ тӀарча администрацен кулгалхочо Къоастой Ӏаддал-Хьамида тӀадиллар юртарча администрацен кулгалхочунна, эшаш дола каьхаташ гулде юртахошта новкъостал дар, газацара хьал къоастадергдолаш. Кхоачашхургдий юртхой хаттар, хьалхара шелал отталехь? Из хано хьахьокхаргда.