Гӏалгӏайчен яхархочунна, судера каьхаташ хувцарах, кхел йир
Гӏалгӏай мехка кхел йир 25 шу даьннача, Магӏалбике яхача кхалсага, цо граждански процесса юкъедоагӏаш хинна каьхаташ хувцарах. СКР шахьара даькъа тохкама болхлоша цун бехк хилар хьагойтар, судо цун РФ УК 1 д. 303 ст. бехк беш хилар чӏоагӏдир.
«Судо, иштта тохкама болхлоша гучадаьккхар, 2025 шера оагӏой бетта, ший фусам-даьцара къасташ дола граждански гӏулакхи иштта бера алименташ далари къоастадеча хана, цо ший хиннача фусам- даьгара да, аьнна, харцахьара тешал деш дола дехар юкъеделлад. Цу тӏа йоах, ше тӏа а воацаш из гӏулакх къоастаде ше бокъо лу. Из каьхат цо суде хьадера, цул тӏехьагӏа из судо дӏалаьрхӏар», - аьлар «Сердало» газетага Гӏалгӏайчен тохкама комитете.
Судо, цу кхалсага тийшаболх барах, цун 100 000 сом гӏод техар, ӏаьдала болча пайданна.
