Магаса яхархо, тика чура хӀамаш лочкъаярах, суда хьалхашка оттаргья
06.09.2024 17:18
Магас-Шахьара прокуратуро чӀоагӀбир, 42 шу даьннача моттигерча яхархочоа РФ УК 1 д. 158 ст. боагӀаш бола бехк.
Лоткъам эцаш хиннараша яхачох, 2024 шера аьтинга бетта, из кхалсаг Магасерча «Оптовик» яхача тика чу хиннай, шийна тӀехьа саг хьежаш цахилар хоаделча, цо цу тика чура кхачан продукташ а цӀено лелаяра бола гӀирс а бихьаб. Юкъара дӀалаьрхӀача, 8 эзар сома зе даьд цо.
Уголовни гӀулакх тохкаргда ГӏалгӀай Республикан №15 йолча суда даькъ тӀа.
