«Россе ОМВД ха деча даькъ тӀа хоам лоткъам хьачубелар 45 шу даьннача цун нанас, цо яхачох цхьанне доалахьарча фирманна инвистици е дагахьа, цун керттерча кулгалхочунца ший 19 шу даьннача йоӀа договор оттадаь хиннад, яхаш, язду цо. Фирман кулгалхочо аларах, цун йоӀа, 2023 шера наджгоанцхой бетта 18-ча дийнахьа денз маьтсела бетта 18-ча денга кхаччалца, 404 эзар сом дӀачуденнад, цу фирман балха юкъедахьа лаьрхӀа, цунах 120 эзар сом пайда хьахиларга сатувсаш. Баь барт боха а беш, таханалцца къонача инвестора ахча юхаденнадац», - аьлар «Сердало» газетага ГӀалгӀай Республике гӀолла йолча Россе МВД зарбан болх лелабераша. Бокъонаш лораераша лоархӀ, фирман викалаша Россе Уголони Кодекса 159 статьях дола зулам даьд, аьнна. Лоацца аьлча, Наьсарера инвестор «жуккаргаша» Ӏехаяьй, цо пайда бе лаьрхӀа Ӏодилла ахча пайда бахьаш хиннадац.